Թեհրան են տեղափոխել Սիրիայում Իսրայելի հարվածից զոհված յոթ իրանցիների մարմինները

ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ: Իրանցի յոթ խորհրդականների մարմինները, որոնք զոհվել են Սիրիայի T-4 բազային Իսրայելի հասցրած հարվածից, տեղափոխվել են Թեհրան: Այդ մասին, ինչպես տեղեկացնում Է «Արմենպրես»-ը, հայտնել Է Tasnim գործակալությունը:

Ավելի վաղ հաղորդվել Էր, որ իսրայելական հարվածի զոհ են դարձել երեք իրանցիներ:

Լույս ապրիլի 9-ի գիշերը հայտնի Է դարձել Սիրիայի Հոմսի նահանգում տեղակայված Տիֆոր (T-4) ավիաբազային հասցված հրթիռային հարվածի մասին: Սիրիական ԶԼՄ-ների տվյալներով՝ գրոհի հետեւանքով կան զոհվածներ ու վիրավորներ: ՌԴ պաշտպանության նախարարությունը հայտնել Է, որ ավիաբազային հարվածը հասցրել են Իսրայելի ռազմաօդային ուժերի F15 երկու կործանիչներ. նպատակակետին հասել Է երեք հրթիռ, մնացած հինգը խոցվել են: Իսրայելի քաղաքական ղեկավարությունը եւ բանակային հրամանատարությունը չեն հաստատում եւ չեն հերքում մասնակցությունը T-4 օդակայանին հասցված հարվածին, որը երկու ամիս առաջ արդեն իսրայելական օդուժի ռմբակոծման թիրախ Էր դարձել որպես իրանական անօդաչուների բազավորման վայր, հաղորդել Է ՌԻԱ Նովոստին: