2 րոպեի ընթերցում
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Կոմպոզիտոր, 200 ֆիլմերի երաժշտության հեղինակ Միշել Լեգրանը եւ կինոռեժիսոր Կլոդ Լելուշը, որի ֆիլմերը համաշխարհային կինեմատոգրաֆի ոսկե հավաքածուի մաս են կազմում, պարգեւատրվել են «Ռուսական մշակույթում ունեցած ավանդի համար» պատվո նշանով, տեղեկացնում Է «Արմենպրես»-ը՝ հղում անելով ՏԱՍՍ-ին:
Պարգեւատրման հանդիսավոր արարողությունը մարտի 26-ին կայացել Է Փարիզում:
ՌԴ մշակույթի նախարարության հանձնարարությամբ հանձնելով պարգեւները, Ֆրանսիայում Ռուսաստանի դեսպան Ալեքսեյ Մեշկովն ասել Է, որ Ֆրանսիայի երկու նշանավոր վարպետների ստեղծագործությունը քաջ գիտեն եւ բարձր են գնահատում Ռուսաստանում: «Այս պարգեւը ձեր առաջնակարգ վաստակի ճանաչումն Է ռուսական մշակույթի բնագավառում»,-ընդգծել Է դիվանագետը: Պատվո լեգեոնի շքանշանի ասպետ Միշել Լեգրանը Ֆրանսիայի եւ Ռուսաստանի միջեւ մշակութային փոխանակումների ամենաակտիվ ու նշանավոր մասնակիցներից մեկն Է: Ինչպես նշվել Է արարողության ժամանակ, այդ երկխոսությանը նա օժանդակում Է արդեն վեց տասնամյակ: Մրսածության պատճառով մաեստորն, որը փետրվարին նշել Է իր 86-ամյակը, չի կարողացել անձամբ մասնակցել արարողությանը: Բայց նրա անունից պարգեւն ընդունել Է Լեգրանի կինը՝ կինոդերասանուհի եւ գրող Մաշա Մերիլը: