368.52
Յուրաքանչյուր հակամարտություն կարելի է կարգավորել. Նարինե Աբգարյան
1 րոպեի ընթերցում
ԵՐԵՎԱՆ, 20, ՄԱՐՏԻ, ԱՐՄԵՆՊՐԵՍ: Ղարաբաղյան հակամարտությունը կարելի է կարգավորել, սակայն դրա համար ժամանակ է հարկավոր: Այդպես է կարծում հայկական ծագում ունեցող ռուսագիր գրող Նարինե Աբգարյանը:
«Յուրաքանչյուր հակամարտություն կարելի է կարգավորել: Այդ շրջանը բավականին անհանգիստ է. այնտեղ շատ են դերակատարները, տարբեր են հետաքրքրությունները: Շատ կցանկանայի հուսալ, որ ամեն ինչ լավ կավարտվի, բայց, կարծում եմ, այդ հակամարտությունը դեռ երկար կտևի»,-նշել է գրողը «ՌԻԱ Նովոստիի» հետ հարցազրույցում:
«Արմենպրես»-ը, վկայակոչելով «ՌԻԱ Նովոստիին», հաղորդում է, որ Ղարաբաղյան պատերազմի ականատես գրողը 2018 թվականին հրատարակել է «Շարունակել ապրել» պատմվածքների ժողովածուն, որում ներառվել են վերոնշյալ հակամարտությանն անդրադարձող երեսուն պատմվածք:
«Ցանկանում էի պատմություն գրել մարդկանց մասին, ովքեր վերապրել են այդ պատերազմը: Բերդում (Նարինե Աբգարյանի հարազատ քաղաքը) տեսնում եմ մարդկանց, ովքեր ողջ են մնացել, ովքեր մնացել են: Իրականում նրանք կոտրված մարդիկ են: Ցանկանում էի հենց նրանց մասին գրել»,-շեշտել է Աբգարյանը:
Բաժանորդագրվեք մեր ալիքին Telegram-ում