1 րոպեի ընթերցում
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Չինաստանի ավելի քան 260 հազար ձեռնարկություններ ու կազմակերպություններ ապրիլի 1-ից պարտավոր կլինեն հարկ վճարել շրջակա միջավայրի աղտոտման համար: Այդ մասին, ինչպես տեղեկացնում Է «Արմենպրես»-ը, հայտնել Է «Սինհուա» գործակալությունը:
Այդ հարկը երկրի իշխանությունների կողմից սահմանվել Է շրջակա միջավայրի պաշտպանությունն ուժեղացնելու եւ աղտոտող նյութերի արտանետումները կրճատելու նպատակով:
Հարկերի գանձման մասին օրենքն ուժի մեջ Է մտել 2018 թվականի հունվարի 1-ից. հարկատուները պարտավոր են հարկային հայտարարագրերը ներկայացնել եռամսյակը մեկ անգամ: Հարկվող ընկերություններն ու կազմակերպությունները վճարելու են աղտոտման չորս տեսակի՝ ջրի, օդի, աղմուկի եւ կարծր թափոնների համար:
Սա Չինաստանում առաջին հարկն Է, որը մշակվել Է հատուկ շրջակա միջավայրի պաշտպանության համար: Այն կօգնի ստեղծել «կանաչ» ֆինանսական ու հարկային համակարգ եւ կբարելավի հսկողությունը աղտոտման նկատմամբ, հաղորդել Է «Ինտերֆաքս» գործակալությունը: