Հայաստանում հիմնանորոգվել Է ռուսական ռազմակայանի զինծառայողների երեխաների համար նախատեսված մանկապարտեզը
1 րոպեի ընթերցում
ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: Հայաստանի ռուսական ռազմակայանի՝ Գյումրիի բնակելի զինվորական ավանի տարածքում ավարտվել Է ՌԴ պաշտպանության նախարարության մանկապարտեզի բարեկարգումը:
Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունում, կատարվել Է հարկաբաժինների հիմնանորոգում, փոխվել Է տանիքը, տեղակայվել են ջեռուցման, Էլեկտրամատակարարման, կոյուղու եւ օդափոխության նոր համակարգեր:
Նախադպրոցական կրթական հաստատությունը նախատեսված Է ռուսական զորամիավորման զինծառայողների հարյուր երեխա տեղավորելու համար: Ավելի քան 2 հազար քառակուսի մետր տարածքում դասարաններ, խաղասենյակներ, հանգստի եւ սննդի ընդունման սենյակներ են հանդերձվել նախադպրոցական տարիքի հինգ խումբ երեխաների համար: Մանկապարտեզն ունի նաեւ խոհանոց, մարզասրահ, հոգեբանի, լոգոպեդի, երաժշտության ուսուցչի համար նախատեսված կաբինետներ: Մինչեւ 2018 թվականի վերջը բնակելի զինվորական ավանի տարածքում պլանավորվում Է կառուցել մարզադաշտ, խաղային ու մարզական հրապարակներ: