Իրանում բողոքի ակցիաների ընթացքում ձերբակալել են շուրջ 3,7 հազար մարդու
1 րոպեի ընթերցում
![Իրանում բողոքի ակցիաների ընթացքում ձերբակալել են շուրջ 3,7 հազար մարդու](http://armenpress.am/resized/480/static/news/b/2018/01/918304.jpg)
ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: Շուրջ 3,7 հազար մարդ Է ձերբակալվել բողոքի ակցիաների ընթացքում, որոնք 2017 թվականի վերջից Իրանի տարբեր քաղաքներում անցկացվել են մի քանի օրվա ընթացքում: Այդ մասին, ինչպես տեղեկացնում Է «Արմենպրես»-ը, հայտարարել Է երկրի խորհրդարանում կրթության հարցերի կոմիտեի անդամ Մահմուդ Սադեգին:
«Ուշադրության առնելով այն փաստը, որ այդ անձանց ձերբակալությունները կատարվել են իրավակարգի ու անվտանգության տարբեր մարմինների կողմից, հնարավոր չԷ նշել ձերբակալված ուսանողների ստույգ թիվը»,- հայտարարել Է Սադեգին երկրի խորհրդարանի ICANA գործակալությանը, նշելով, որ ամբողջ երկրում ձերբակալվածների ընդհանուր թիվը կազմում Է մոտավորապես 3,7 հազար:
Ավելի վաղ տեղեկացվել Է, որ Իրանի իշխանությունները ձերբակալել են բողոքի ակցիաների գլխավոր կազմակերպիչներին, ընդ որում՝ ազատ արձակելով ավելի վաղ ձերբակալվածների մեծ մասին, հաղորդել Է ՌԻԱ Նովոստին:
Լուսանկարը` AFP