1 րոպեի ընթերցում
ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: Հարբինի ձնե եւ սառցե քանդակների միջազգային փառատոնն անցկացվում Է ամեն տարի՝ սկսած 1963 թվականից: Հարբինը՝ Չինաստանի Հեյլունցզյանի նահանգի մայրաքաղաքը, աշխարհում սառցե եւ ձնե մշակույթի կենտրոններից մեկն Է: Պաշտոնապես Հարբինում փառատոնն սկսվում Է հունվարի 5-ին եւ տեւում Է մեկ ամիս: Սակայն ցուցանմուշները հաճախ բացվում են ավելի շուտ եւ, եթե եղանակը թույլ Է տալիս, մնում են ավելի երկար, տեղեկացնում Է «Արմենպրես»-ը:
Սառցե քանդակները մշակվում են ինչպես արդի (օրինակ, լազերների), այնպես Էլ ավելի ավանդական գործիքների միջոցով (օրինակ՝ սառցե լապտերներ): Փառատոնում ձմեռային հանգիստը ներառում Է լեռնադահուկներ, լող Սունգարի գետի ձմեռային սառցանցքում:
Հարբինի փառատոնն աշխարհում սառցի եւ ձյան չորս խոշորագույն փառատոններից մեկն Է՝ Սապորոյի ձյան ճապոնական փառատոնի, Քվեբեկի կանադական ձմեռային կառնավալի եւ նորվեգական դահուկային փառատոնի հետ մեկտեղ: