Բրիժիտ Բարդոն հուշագրություններ Է հրատարակելու

ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Բրիժիտ Բարդոն 2018 թվականի հունվարի 25-ին կհրատարակի իր հուշերի գիրքը: Այս մասին ֆրանսիացի դերասանուհին եւ կենդանիների պաշտպանն ինքը դեկտեմբերի 26-ին հայտնել Է France-Presse գործակալությանը, տեղեկացնում Է «Արմեպրես»-ը:

«Այս գիրքը կամփոփի իմ գործունեությունը: Այն կկոչվի «Արցունքներ մարտում»: Դա կլինի իմ վերջին գիրքը. ես այլեւս մտադիր չեմ այլ գրքեր լույս ընծայել»,- ասել Է 83-ամյա ֆրանսուհին: Նա ընդգծել Է, որ հուշագրություններում կշարադրի «աշխարհի եւ հասարակության իր տեսլականը, այն բանի տեսլականը, թե իշխանություններն ինչ կերպ են այն կառավարում, ինչպես նաեւ, թե ինչպես են վերաբերվում կենդանիներին» իր երկրում:

Հուշագրությունները կհրատարակի Ֆրանսիայի Plon խոշորագույն հրատարակչությունը: Բարդոյի նախորդ գիրքը «Ճիչ լռության մեջ»-ը, լույս Է տեսել 2003 թվականին Rocher հրատարակչությունում, հաղորդել Է ՏԱՍՍ-ը: