Հասարակական

Դատական օրենսգրքում փաստաբանների նկատմամբ դատական տուգանք նշանակելու վերաբերյալ կարգավորումը խնդրահարույց է

2 րոպեի ընթերցում

ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: Դատական օրենսգրքում փաստաբանների նկատմամբ դատական տուգանք նշանակելու վերաբերյալ կարգավորումը կարող է կաշկանդել փաստաբանին կատարելու իր մասնագիտական պարտականությունները: ՀՀ Փաստաբանների պալատի նախագահ Արա Զոհրաբյանը խնդրահարույց է համարում Դատական օրենսգրքում փաստաբանների նկատմամբ որպես դատական սանկցիա մինչև 100 հազար դրամի սահմաններում տուգանք նշանակելու վերաբերյալ կարգավորումը:

«Այսօր գործող իրավակարգավորման պայմաններում փաստաբանի և դատախազի նկատմամբ չի թույլատրվում տուգանք նշանակել: Մենք հասկանում ենք, որ այդ կարգավորումը նպատակ ունի կանխել հնարավոր ոչ իրավաչափ վարքագիծը, որը կարող է ենթադրաբար դրսևորվել փաստաբանի կամ դատախազի կողմից, սակայն անբարեխիղճ դատավորներից պաշտպանվելու երաշխիքներ չունենք»,- նշեց Զոհրաբյանը:

Զոհրաբյանի կարծիքով` դատավորը հանգիստ կարող է փաստաբանին սույն օրենսգրքով նախազգուշացնել, այնուհետև կիրառել դատական տուգանք:

«Ընդ որում, այդ դատական տուգանքի մասին որոշումը ուժի մեջ է մտնում կայացման պահից և ենթակա է կատարման: Բացի այդ, դրա բողոքարկումը չի կասեցնում այդ որոշման կատարումը»,- ասաց Զոհրաբյանը:

Ըստ Փաստաբանների պալատի նախագահի` պետք է տրվեն այնպիսի երաշխիքներ, որպեսզի փաստաբանները անբարեխիղճ դատավորների «ձեռքի տակ» չընկնեն:

Զոհրաբյանն առաջարկում է այդ կարևոր օրինագծերի վերաբերյալ բոլոր շահագրգիռ կառույցների մասնակցությամբ մասնագիտացված քննարկում կազմակերպել:

Դեկտեմբերի 21-ին Ազգային ժողովն առաջին ընթերցմամբ ընդունել էր նոր Դատական օրենսգիրքը: Դատական օրենսգիրքն առաջին ընթերցմամբ ընդունելու մասին հարցին կողմ է քվեարկել 64 պատգամավոր: «Ծառուկյան» և «Ելք» խմբակցությունները քվեարկությանը չեն մասնակցել:

Հայերեն

Ադրբեջանի պաշտպանության նախարարությունը կրկին ապատեղեկատվություն է տարածել՝ 8-րդը երեք օրվա ընթացքում

Գավառ համայնքի նիստերն արդեն իրականացվում են թվայնացված եղանակով

Շիրակի մարզի Հովտուն գյուղում այրվել են անասնագոմերից մեկի տանիքի մի մասը և 2500 հակ անասնակեր

Վան Ին խոսել է Ուկրաինայի կարգավորման գործընթացի մասին

Մոզամբիկում ցուցարարներին ցրելու համար օգտագործվել են մարտական ​փամփուշտներ

Վրաստանի խորհրդարանը երկրորդ ընթերցմամբ ընդունել է օտարերկրյա գործակալների մասին օրենքը

ՀՀ ԱԳ նախարարի տեղակալը հանդիպել է Իսպանիայի նախարարների խորհրդի արտաքին և գլոբալ հարաբերությունների գծով պետքարտուղարի հետ

ՄԱԿ-ի գլխավոր քարտուղարի գրասենյակն աջակցել է Պուտինի և Թրամփի զրույցին

ՆԳՆ սպասարկման գրասենյակները շրջիկ ձևաչափով ծառայություններ կմատուցեն Գեղարքունիքի և Լոռու մարզերում

Ֆոն դեր Լեյենը բացահայտել է մինչև 2030 թվականը ԵՄ-ի վերազինման պլանները