Ազնավուրը հաջորդ տարի ապրիլին կրկին կլինի ռուսական բեմում

ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Աշխարհահռչակ երգահան և շանսոնների կատարող, դերասան, Շվեյցարիայում Հայաստանի Հանրապետության դեսպան Շառլ Ազնավուրը 2018 թվականին երկու համերգով հանդես կգա Ռուսաստանի Դաշնությունում:

Ինչպես հաղորդում է «Արմենպրես»-ը, առաջին համերգը տեղի կունենա ապրիլի 25-ին Սանկտ Պետերբուրգի «Октябрьский» մեծ համերգային սրահում:

Արդեն ապրիլի 28-ին շանսոնյեն հանդես կգա Մոսկվայի Կրեմլի պետական համերգասրահում:

Համերգի տոմսերն արդեն վաճառքում են: