Հայաստանի և Իրանի հարկային ծառայության ղեկավարները կարևորեցին կրկնակի հարկումը բացառող համաձայնագրի արդիականացումը

3 րոպեի ընթերցում

ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի և Իրանի հարկային ծառայության ղեկավարները առաջին անգամ հանդիպեցին Երևանում ու հայտնեցին ոլորտում համագործակցությունը խորացնելու իրենց պատրաստակամության մասին: «Քաղաքական հարցերով չունենալով որևէ տարաձայնություն և ունենալով բազմաթիվ ոլորտներում համագործակցություն, ավելի քան համոզված եմ, որ մեր երկու գերատեսչությունների միջև համագործակցությունը ստացվելու է»,-«Արմենպրես»-ի փոխանցմամբ` ասաց ՀՀ ԿԱ ՊԵԿ նախագահ Վարդան Հարությունյանը: Նա նշեց, որ պետք է լինել առավել թափանցիկ ու երկու կողմերի գործարարներին:

Իրանի Իսլամական Հանրապետության ազգային հարկային ծառայության նախագահ, ֆինանսների ու էկոնոմիկայի փոխնախարար Թաղահի Նեժաթի խոսքով` Հայաստանի հետ տարբեր ոլորտներում հարաբերությունները խորն են ու ռազմավարական, ինչպես նաև առկա է երկուստեք կամք` զարգացնելու հարաբերությունները բոլոր ոլորտներում: «Մենք խիստ հետևողական ենք երկու երկրների միջոցով տարանցիկ գործունեության ապահովմամբ, այդ իսկ նպատակով լուրջ աշխատանքներ ենք իրականացնում մաքսային հատվածում էլեկտրոնային տեղեկատվության փոխանակման ուղղությամբ»,-ասաց Թաղահի Նեժաթը:

Կողմերը քննարկեցին նաև 1998 թվականից երկու երկրների միջև գործող եկամուտների և գույքի կրկնակի հարկումը բացառելու մասին համաձայնագրի արդիականացման հարցը: Այս համաձայնագիրը հնարավորություն է տրվում ֆիզիկական ու իրավաբանական անձանց ազատվել կրկնակի հարկումից, միևնույն ժամանակ կանխում է ոչ բարեխիղճ հարկ վճարողների կողմից հարկերից խուսափումը: «Ժամանակն է խմբագրել գործող համաձայնագիրը` վերջին տարիներին մեր երկրների հարկային օրենսդրության ու վարչարարության մեջ տեղի ունեցած զարգացումներին համահունչ»,-նկատեց Վարդան Հարությունյանը:

Իրանական կողմից առաջարկ հնչեց ստեղծել աշխատանքային խումբ երկու երկրների հարկային ոլորտում հարաբերությունները զարգացնելու նպատակով: «Այն կնպաստի ոչ միայն փորձի փոխանակման ակտիվացմանը, այլև գործարարների միջև կապերի ամրապնդմանը, երկու երկրների ներդրողների համար բարենպաստ պայմանների ստեղծմանը»,-հավելեց իրանցի պաշտոնյան:

Հայերեն English

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա