Մինսկը մտադիր չԷ արդարանալ Բաքվի հետ ռազմատեխնիկական համագործակցության համար. Լուկաշենկո
2 րոպեի ընթերցում
![Մինսկը մտադիր չԷ արդարանալ Բաքվի հետ ռազմատեխնիկական համագործակցության համար. Լուկաշենկո](http://armenpress.am/resized/480/static/news/b/2017/10/908277.jpg)
«Մեր հարաբերությունները ոչ մի կերպ չեն խախտում որեւԷ միջազգային պայմանագիր, Անվտանգության խորհրդի եւ ամբողջությամբ վերցված ՄԱԿ-ի որեւԷ բանաձեւ: Մենք ինքնիշխան անկախ պետություն ենք եւ իրավասու ենք սահմանել համագործակցության այն ուղղությունները, որոնք համապատասխանում են ժամանակի ոգուն, մեր պետությունների պահանջմունքներին»,-հայտարարել Է Լուկաշենկոն՝ ընդունելով Ադրբեջանի ռազմական գերատեսչության ղեկավարին:
Նախագահն ընդգծել Է բելառուսական կողմի պատրաստակամությունը՝ օգնել ապահովելու Ադրբեջանի ժողովրդի անվտանգությունը: «Ես լավ եմ հիշում, որ դժվարին ժամանակներում ձեր նախագահը միշտ թիկունք Է կանգնել բելառուսական պետությանը»,-ասել Է Լուկաշենկոն: Իր հերթին Զաքիր Հասանովը բարձր Է գնահատել ռազմատեխնիկական համագործակցությունը Մինսկի հետ եւ ռազմական նշանակության բելառուսական արտադրանքի որակը:
«Ադրբեջանի զինված ուժերն օգտվում են բելառուսական արտադրության զենքից ու տեխնիկայից, եւ ես ամենայն պատասխանատվությամբ հայտարարում եմ, որ դա բարձրորակ զենք Է եւ ռազմական նշանակության արտադրանք»,-ասել Է նա: Բելառուս պաշտոնական այցի առաջին օրը Ադրբեջանի պաշտպանության նախարարն այցլել Է պաշտպանական արդյունաբերության ձեռնարկություն եւ զինափորձարան, որտեղ ծանոթացել Է մարտական տեխնիկային ու ռազմական նշանակության բելառուսական այլ արտադրանքին: