Իրանի նախագահը հայտարարել Է հրթիռային ներուժն ամրապնդելու մտադրության մասին
2 րոպեի ընթերցում
![Իրանի նախագահը հայտարարել Է հրթիռային ներուժն ամրապնդելու մտադրության մասին](http://armenpress.am/resized/480/static/news/b/2017/09/906172.jpg)
Ռոուհանին ընդգծել Է, որ իր երկիրը հանգուցային դեր Է խաղում տարածաշրջանում կայունության պահպանման գործում, ինչպես նաեւ նշել Է Թեհրանի հանձնառությունը կատարելու իրանական միջուկային ծրագրի վերաբերյալ Գործողությունների համատեղ համապարփակ ծրագրի շրջանակներում ստանձնած իր պարտավորությունները: Իրանը եւ միջազգային բանակցորդների «վեցյակը» 2015 թվականի հուլիսի 14-ի գիշերը պատմական համաձայնության են հասել իրանական բազմամյա միջուկային հիմնախնդրի կարգավորման շուրջ: Երկարատեւ բանակցություններն ավարտվել են Գործողությունների համատեղ համապարփակ ծրագրի ընդունմամբ:
2016 թվականի հունվարի 16-ին հայտարարվել Է ԳՀՀԾ-ի իրականացումն սկսելու մասին, որին հավանություն Է տրվել ՄԱԿ-ի Անվտանգության խորհրդի բանաձեւով: Այդ ծրագիրը նախատեսում Է ավելի վաղ ՄԱԿ-ի ԱԽ-ի, ԱՄՆ-ի եւ Եվրամիության կողմից Իրանի նկատմամբ սահմանված տնտեսական ու ֆինանսական պատժամիջոցների վերացում: Փոխարենը Թեհրանը պարտավորվել Է սահմանափակել իր միջուկային գործունեությունը՝ այն դնելով միջազգային հսկողության ներքո, հաղորդել Է ՏԱՍՍ-ը: