398.88
ԱՄԷ նախագահը, փոխնախագահը և Աբու Դաբիի արքայազնը շնորհավորել են Սերժ Սարգսյանին Անկախության տոնի առթիվ
2 րոպեի ընթերցում
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Արաբական Միացյալ Էմիրությունների նախագահ Խալիֆա բին Զայեդ ալ Նահյանը, ԱՄԷ փոխնախագահ, վարչապետ, Դուբայի կառավարիչ Մուհամմադ բին Ռաշիդ ալ Մաքթումը և Աբու Դաբիի արքայազն, ԱՄԷ զինված ուժերի գերագույն փոխհրամանատար Մուհամմադ բին Զայեդ ալ Նահյանը շնորհավորական ուղերձներ են հղել Հայաստանի Հանրապետության Նախագահ Սերժ Սարգսյանին Անկախության տոնի առթիվ:
Ինչպես հաղորդում է «Արմենպրես»-ը, ԱՄԷ նախագահի ուղերձում ասվում է. «Օգտվելով Ձեր երկրի Անկախության օրվա առիթից՝ պատիվ ունեմ հղելու Ձերդ գերազանցությանը և բարեկամ Ձեր ժողովրդին ամենաջերմ շնորհավորանքներս։
Մաղթում եմ Ձերդ գերազանցությանը քաջառողջություն, երջանկություն և հաջողություն, իսկ բարեկամ Ձեր ժողովրդին՝ բարեկեցություն և երջանկություն։
Ընդունեք խնդրեմ անկեղծ շնորհավորանքներս և հարգանքներիս հավաստիքը»:
ԱՄԷ փոխնախագահ, վարչապետ, Դուբայի կառավարիչ Մուհամմադ բին Ռաշիդ ալ Մաքթումի ուղերձում ասվում է.
«Օգտվելով Ձեր երկրի Անկախության օրվա առիթից՝ պատիվ ունեմ հղելու Ձերդ գերազանցությանը և բարեկամ Ձեր ժողովրդին ամենաջերմ շնորհավորանքներս։
Ցանկանալով Ձերդ գերազանցությանը քաջառողջություն, իսկ բարեկամ Ձեր ժողովրդին՝ մշտական առաջընթաց և բարեկեցություն Ձեր կառավարման ներքո։
Ընդունեք խնդրեմ անկեղծ շնորհավորանքներս և հարգանքներիս հավաստիքը»:
Աբու Դաբիի արքայազն, ԱՄԷ զինված ուժերի գերագույն փոխհրամանատար Մուհամմադ բին Զայեդ ալ Նահյանի շնորհավորական ուղերձում ասվում է.
«Օգտվելով Ձեր երկրի Անկախության օրվա առիթից՝ պատիվ ունեմ հղելու Ձերդ գերազանցությանը և բարեկամ Ձեր ժողովրդին ամենաջերմ շնորհավորանքներս։
Ցանկանալով Ձերդ գերազանցությանը քաջառողջություն, իսկ բարեկամ Ձեր ժողովրդին՝ մշտական առաջընթաց և բարեկեցություն Ձեր կառավարման ներքո։
Ընդունեք խնդրեմ իմ անկեղծ շնորհավորանքները և հարգանքներիս հավաստիքը»:
Բաժանորդագրվեք մեր ալիքին Telegram-ում