1 րոպեի ընթերցում
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ֆինանսների նախարար Վարդան Արամյանն ընդունել է Արժույթի միջազգային հիմնադրամի («IMF») պատվիրակությանը: Հանդիպման ընթացքում երկկողմ քննարկումներ են տարվել ՀՀ 2018 թվականի բյուջեի մակրոտնտեսական ցուցանիշների, ինչպես նաև նախատեսվող միջոցառումների ուղղությամբ: Անդրադարձ է կատարվել նաև հարակաբյուջետային քաղաքականության վերջին զարգացումներին ու ուղղություններին, ինչպես նաև հնարավոր կանխատեսումներին և բարեփոխումներին: Այս մասին «Արմենպրես»-ին տեղեկացրին ՀՀ ֆինանսների նախարարության տեղեկատվության և հասարակայնության հետ կապերի բաժնից:
Նախարարը բարձր է գնահատել ԱՄՀ հետ շարունակական համագործակցության շրջանակը և կարևորել է դրա ընդլայնման ու ամրապնդման հնարավորությունները: