«Լույս»-ի կրթաթոշակին արժանացած 6 քաղաքացու տրվեց զինվորական տարկետում
1 րոպեի ընթերցում
![«Լույս»-ի կրթաթոշակին արժանացած 6 քաղաքացու տրվեց զինվորական տարկետում](http://armenpress.am/resized/480/static/news/b/2017/09/905260.jpg)
ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Կառավարության որոշմամբ «Լույս» հիմնադրամի 2017 ուսումնական տարվա կրթաթոշակին արժանացած ՀՀ 6 քաղաքացու մինչ ուսումնասռության ավարտը տրվեց պարտադիր զինվորական ծառայության զորակոչից տարկետում: «Արմենպրես»-ի փոխանցմամբ, որոշման ընդունման անհրաժեշտությունը պայմանավորված է նրանով, որ վերոնշյալ քաղաքացիներին հնարավորություն կընձեռվի ավարտելու ուսումնառությունը, այնուհետև` ներկայանալու զինվորական ծառայության: Ուսանողներն ընդունվել են Մասսաչուսեթսի տեխնոլոգիական ինստիտուտ, Հարվարդի Քեմբրիջի, Օքսֆորդի, Չիկագոյի համալսարաններ: