Հունահռոմեական ոճի ըմբշամարտում նորից կլինի չորեքթաթ դրությունը

ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Ըմբշամարտի միջազգային ֆեդերացիան կրկին փոփոխությունների է ենթարկել հունահռոմեական ոճի ըմբշամարտի կանոնները:

«Արմենպրես»-ի հաղորդմամբ` Փարիզում կայացած ֆեդերացիայի հերթական նիստի ժամանակ ընդունված որոշմամբ 2018 թվականի հունվարի 1-ից հունահռոմեական ոճի ըմբշամարտում նորից կլինի չորեքթաթ դրությունը (պարտեր): Կմտցվեն նոր օլիմպիական քաշեր` 60, 67, 77, 87, 97 և 130 կգ:

Ազատ ոճի ըմբշամարտի փոփոխությունների մասին հայտնի կդառնա ավելի ուշ: