Ոչնչացած անտառ. Բորժոմում հրդեհի հետեւանքների լուսանկարները

ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Բորժոմի խոշոր անտառային հրդեհը խանձված հող եւ ածխացած կոճղեր Է թողել իր հետեւից: «Sputnik Գրուզիա»-ի լուսանկարչական ժապավենը պատկերացում Է տալիս այն մասին, թե ինչ վնաս Է հասցրել անտառային հրդեհը, տեղեկացնում Է «Արմենպրես»-ը:

Բորժոմ քաղաքից ոչ հեռու՝ Դաբա գյուղի մերձակա անտառում հրդեհն սկսվել Է օգոստոսի 20-ին: Այս պահի դրությամբ կրակի ճարակ Է դարձել տասնյակ հեկտարներով եզակի անտառ: Հինգերորդն օրն Է, ինչ աղետի վայրում աշխատում են հրշեջները՝ վերացնելով կրակի օջախները:

Անտառային հրդեհի մարումը դրա հենց սկզբից դժվարացրել են բարդ լեռնային ռելիեֆը, չոր շոգ եղանակը եւ քամին: Հարեւան երկրները՝ Հայաստանը, Ադրբեջանը, Բելառուսը եւ Թուրքիան, օգնության են եկել Վրաստանին՝ երկիր ուղարկելով տեխնիկա եւ մարդիկ՝ անտառային հրդեհի մարման համար: