ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Հրշեջներին հաջողվել Է մեկուսացնել կրակը Բորժոմի անտառում, սակայն պահպանվում են առանձին օջախներ: Այդ մասին, ինչպես տեղեկացնում Է
«Արմենպրես»-ը, հայտնել Է Imedi հեռուստաընկերությունը: Դաբա գյուղի մերձակա անտառում հրդեհն սկսվել Է օգոստոսի 20-ին: Վաղ առավոտից ավիացիան վերստին ձեռնամուխ Է եղել հրդեհաշիջմանը: Իրադրությունը բարդացնում են լեռնային ռելիեֆը, քամին եւ չոր եղանակը: Նախնական տվյալներով՝ այրվել Է տասնյակ հեկտար եզակի անտառ:
Ինչպես հայտնել են ՀՀ արտակարգ իրավիճակների նախարարությունից, հրդեհի վայրում աշխատում են հայ հրշեջ-փրկարարները: Այստեղ են ուղարկվել չորս մարտական հաշվարկ: Մնացած չորս մարտական հաշվարկների անհրաժեշտությունն այս պահին չի զգացվում:
«Կան բազմաթիվ օջախներ, որոնք այսօրվա ընթացքում եւ գուցե նաեւ վաղը, հարկավոր Է մշակել ջրով: Բայց ներկա պահին կրակի օջախներ ոչ մի տեղ չկան»,-հայտարարել Է Բակուրիանիի բնապահպանության դեպարտամենտի ղեկավար Թամազ Գանցեմլիձեն:
Ինչպես նշում են հրշեջներն ու մասնագետները, մերձակա բնակավայրեր կրակի տարածման վտանգ չկա:
Տեղում շարունակում են աշխատել 400 հրշեջ-փրկարարներ, հարյուր անտառապահներ եւ ՆԳ նախարարության հատուկ առաջադրանքների դեպարտամենտի 500 աշխատակիցներ: Հրդեհի Էպիկենտրոնը 11 կիլոմետր Է հեռու Բորժոմի առողջարանից: