Վրաստանում հրդեհների մարմանը ներգրավում են զինվորականներին

ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Վրաստանի վարչապետ Գեորգի Կվիրիկաշվիլին դիմել Է հանրապետության նախագահ Գեորգի Մարգվելաշվիլիին՝ որպես գլխավոր հրամանատարի, եւ խնդրել թույլ տալ զինված ուժերն օգտագործել Վրաստանի շրջաններում մոլեգնող հրդեհները վերացնելու նպատակով, տեղեկացնում Է «Արմենպրես»-ը՝ հղում անելով «Գրուզիա Online»-ին:

Զինվորականներին չի պլանավորվում օգտագործել Բորժոմի կիրճում: Հիմնական նպատակը հրդեհի մարումն Է Գորիի մունիցիպալիտետում:

Այդ հարցի շուրջ վարչապետի եւ նախագահի միջեւ տեղի Է ունեցել հեռախոսազրույց: Նախագահը մտադիր Է բավարարել վարչապետի միջնորդությունը:

Նախագահի կողմից ներկայացվելիք համապատասխան փաստաթուղթը հաստատելու համար խորհրդարանը արտահերթ նստաշրջան կգումարի օգոստոսի 23-ին: