Թեհրանում քննարկում են Twitter-ի եւ YouTube-ի արգելափակումը վերացնելու հնարավորությունը

1 րոպեի ընթերցում

ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Իրանի իշխանությունները քննարկում են երկրի տարածքում Twitter-ի արգելափակումը վերացնելու հնարավորությունը, որն արգելված Էր մի քանի տարի: Օգոստոսի 22-ին այս մասին հայտնել են Իրանի զանգվածային լրատվամիջոցները, տեղեկացնում Է «Արմենպրես»-ը:

«Twitter-ի ղեկավարությունում հայտարարել են, որ իրենք պատրաստ են բանակցություններ վարել մեզ հետ՝ տարաձայնությունները հաղթահարելու համար»,- մեջբերում են անում հրատարակություններն Իրանի տեղեկատվական տեխնոլոգիաների նախարար Մոհամադ Ջավադ Ազարի Ջախրոմիի խոսքից: Ըստ որում նախարարն ընդգծել Է, որ, իր կարծիքով՝ Twitter-ն սպառնալիք չի ներկայացնում իրանական հասարակության համար:

Բացի դրանից, նշում են զանգվածային լրատվամիջոցները, Թեհրանում չեն բացառում YouTube տեսահոսթինգի օգտագործման արգելքի վերացումը:

Չնայած արգելքին, Twitter-ը լայնորեն տարածված Է իրանցի քաղաքական գործիչների շրջանում: Մասնավորապես, այդ սոցցանում օգտահաշիվներ ունեն Իրանի նախագահ Հասան Ռոուհանին, ինչպես նանեւ Իրանի Իսլամական Հանրապետության գերագույն ղեկավար այաթոլլա Ալի Խամենեին, հաղորդել Է «Ինտերֆաքս»-ը:

Բաժանորդագրվեք մեր ալիքին Telegram-ում