388.37
Վրաստանի նախագահը երկրում մունիցիպալ ընտրությունները նշանակել Է հոկտեմբերի 21-ին
3 րոպեի ընթերցում
Վրաստանի օրենսդրության համաձայն, տեղական ինքնակառավարման մարմինների ընտրությունները պետք Է անցկացվեն հոկտեմբերին, տեղեկացնում Է «Արմենպրես»-ը:
«Ես տեղական ինքնակառավարման մարմինների ընտրությունները նշանակել եմ 2017 թվականի հոկտեմբերի 21-ին եւ փաստաթուղթն ուղարկել եմ կոնտրասիգնացիայի (համատեղ ստորագրման)»,-ասել Է Մարգվելաշվիլին ճեպազրույցում:
Վրաստանի օրենսդրության համաձայն, ընտրությունների ամսաթվի նշանակման փաստաթուղթն ուղարկվում Է Վրաստանի վարչապետին, որը կառավարության անդամների հետ միասին կքննարկի այս կարգադրությունը: Այն դեպքում, եթե նախարարների կաբինետը համաձայնի պետության ղեկավարի որոշմանը, վարչապետը համատեղ ստորագրությամբ նշանակում Է ընտրությունների ամսաթիվը: «Նովոստի Գրուզիա» լրատվական գործակալությունը, վկայակոչելով կառավարության մամուլի ծառայությունը, հայտնում Է, որ փաստաթուղթն արդեն ստացվել Է, եւ վարչապետն այն կստորագրի մոտ ժամանակներս:
Այսօրվա դրությամբ Վրաստանի Կենտրոնական ընտրական հանձնաժողովը (ԿԸՀ) արդեն յոթ կուսակցությունների գրանցել Է տեղական ընտրություններին մասնակցելու համար: Եվս ութ կուսակցություններ առայժմ միայն հայտարարել են տեղական ընտրություններին մասնակցելու իրենց մտադրության մասին: Թբիլիսիի քաղաքագլխի ընտրություններին մասնակցելու մասին ավելի վաղ հայտարարել են «Վրացական երազանք-ժողովրդավարական Վրաստան», «Միասնական ազգային շարժում», «եվրոպական Վրաստան-շարժում հանուն ազատության», «Կառուցման շարժում», «Վրաստանի հայրենասերների դաշինք» եւ «Միավորված դեմոկրատական շարժում», «Դեմոկրատական շարժում-միասնական Վրաստան» եւ «Ազատ Վրաստան» կուսակցությունները: Վերջին երեք կուսակցությունները մտադիր են միասին գնալ ընտրությունների:
ԿԸՀ-ում պաշտոնապես գրանցվել են «Վրաստանի եվրոպական դեմոկրատներ», «Ազգային դեմոկրատական կուսակցություն», «Վրաստանի քրիստոնեապահպանողական կուսակցություն», «Ժողովրդի կուսակցություն», «Հայրենիքի որդիների միաբանություն», «Վրաստանի միասնության ու զարգացման կուսակցություն» եւ «Նոր աջեր» կազմակերպությունները:
Բաժանորդագրվեք մեր ալիքին Telegram-ում
