388.37
Վրաստանի իշխանությունները հարեւան երկրներից օգնություն են խնդրում հրդեհը մարելու համար
2 րոպեի ընթերցում
Դաբա գյուղի մերձակա անտառում հրդեհն սկսվել Է օգոստոսի 20-ին: Մինչ այժմ հրշեջները շարունակում են պայքարել կրակի դեմ: Իրադրությունը բարդացնում են բարդ ռելիեֆը, քամին եւ չոր եղանակը: Սկզբնապես հաղորդվել Էր հինգ հեկտար ոչնչացված տարածքի մասին, սակայն, վերջին տվյալներով, 12 հեկտար անտառ Է այրվել:
Հրդեհաշիջմանը մասնակցում Է Վրաստանի ՆԳ նախարարության սահմանապահ ոստիկանության ուղղաթիռը, բայց դա բավարար չի եղել եւ, վրացական կողմի խնդրանքով, Ադրբեջանը եւս մեկ ուղղաթիռ Է ուղարկել Վրաստան: Դրա հետ մեկտեղ, ուշ գիշերին կայացած արտակարգ շտաբի նիստի ընթացքում, որը ղեկավարում Է Վրաստանի ներքին գործերի նախարար Գեորգի Մղեբրիշվիլին, հայտնի Է դարձել, որ հրդեհի վայր կժամանեն Թուրքիայի ռազմաօդային ուժերի եւս երկու ուղղաթիռներ: «Ներկա փուլում բանակցություններ են վարվում, տեղեկատվություն Է ուղարկված հարեւան բոլոր երկրներին, Եվրամիության երկրներին: Արդեն նախնական համաձայնություն Է ձեռք բերվել: Կարծում եմ, որ մենք Էլ ավելի կուժեղանանք, կունենանք հավելյալ տեխնիկա»,- Դավիթաշվիլիի խոսքը մեջբերում Է Առաջին ալիքը:
Լրագրողների այն հարցին, թե Վրաստանի իշխանություններն արդյոք բանակցություններ վարում են Ռուսաստանի հետ, գյուղատնտեսության նախարարը պատասխանել Է, որ համապատասխան դիմումներն ուղարկվել են բոլոր հարեւան երկրներին:
Բաժանորդագրվեք մեր ալիքին Telegram-ում
