Իրանը հինգ օրվա ընթացքում կարող Է վերսկսել ուրանի 20-տոկոսանոց հարստացումը

ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Իրանի ատոմային Էներգիայի կազմակերպության ղեկավար Ալի Աքբար Սալեհին հայտարարել Է, որ իր երկիրը կարող Է հինգ օրվա ընթացքում ուրանի հարստացման աշխատանքները վերսկսել մինչեւ այն մակարդակ, որը բավարար կլինի ռազմական կարիքների համար: Նրա հայտարարությունն օգոստոսի 22-ին մեջբերել Է Al Alam իրանական հեռուստաալիքը: «Եթե մենք համապատասխան որոշում ընդունենք, ապա կկարողանանք մինչեւ 20 տոկոս ուրանի հարստացումը վերսկսել առավելագույնը հինգ օրվա ընթացքում»,-հայտնել Է Սալեհին:

Այս հայտարարությունը նա արել Է Թեհրանի եւ Վաշինգտոնի միջեւ հարաբերությունների լարվածության նոր ալիքի ֆոնին: Մասնավորապես, խոսքը վերաբերում Է օգոստոսի սկզբին Դոնալդ Թրամփի կողմից պատժամիջոցների խստացման հրամանագրի ստորագրմանը որը տարածվում Է նաեւ Իրանի վրա: 2015 թվականին Թեհրանը համաձայնել Է «վեցյակի» (ՄԱԿ-ի ԱԽ-ի հինգ մշտական անդամները եւ Գերմանիան) հետ գործարքի շրջանակներում հանձնել հարստացված միջուկային նյութերը: Դրա փոխարեն Ռուսաստանից եւ Ղազախստանից Իրան Է հասցվել ավելի քան 200 տոննա չհարստացված ուրանային խտանյութ: Գործարքը նախատեսում Է հանել Իրանի նկատմամբ սահմանված միջազգային պատժամիջոցներն այն պայմանով, որ Իսլամական Հանրապետությունը ուրանը հարստացնի միայն մինչեւ 5 տոկոս՝ խաղաղ կարիքների համար, հաղորդել Է ՏԱՍՍ-ը: