ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Վրաստանում Դաբա գյուղից ոչ հեռու Բորժոմի անտառում բռնկած հրդեհն արդեն ավելի քան 5 հեկտար անտառ Է ոչնչացրել, հրշեջները շարունակում են աշխատանքը: Այդ մասին, ինչպես տեղեկացնում Է
«Արմենպրես»-ը, հայտնել Է Վրաստանի Հանրային հեռարձակողի Առաջին ալիքը:
Բորժոմի անտառում հրդեհն սկսվել Է օգոստոսի 20-ի ցերեկը: Ուժգին քամու պատճառով այն տարածվել Է արգելոցի տարածքում: Մինչեւ մութն ընկնելը հրդեհի մարմանը ուղղաթիռ Է մասնակցել: Ողջ գիշերը հրշեջները ճանապարհ են բացել, որպեսզի դրանով հատուկ տեխնիկա բերվի:
Ներկայում արտակարգ պատահարի վայրում աշխատում են շուրջ 200 հրշեջներ, առայժմ չի հաջողվել տեղափակել հրդեհը:
Շրջակա միջավայրի ազգային գործակալության ղեկավար Թոռնիկե Գվազավան հայտարարել Է, որ հրշեջները հույս ունեն հրդեհը տեղափակել օրվա երկրորդ կեսին: