388.37
Սաակաշվիլին չպետք է լքեր երկիրը. Վրաստանի նախագահ
1 րոպեի ընթերցում
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: Վրաստանի նախագահ Գեորգի Մարգվելաշվիլին անդրադարձել է երկրի նախկին նախագահ Միխեիլ Սաակաշվիլիիին Ուկրաինայի քաղաքացիությունից զրկելու փաստին: Ինչպես հաղորդում է «Արմենպրես»-ը, վկայակոչելով վրացական ԶԼՄ-ները, արտասահմանցի լրագրողների հետ հանդիպմանը Մարգվելաշվիլին ասել է, որ Սաակաշվիլին չպետք է լքեր Վրաստանը:
«Ես մեծ ցավ ապրեցի, երբ Սաակաշվիլին հրաժարվեց Վրաստանի քաղաքացիությունից: Որովհետև նախկին առաջին դեմքը, ով երկու անգամ ընտրվել է նախագահ, պետք է ունենա վրացական քաղաքացիություն: Մարդը, ով եղել է Գերագույն գլխավոր հրամանատար, չպետք է լքեր երկիրը»,- ընդգծել է Վրաստանի նախագահը:
Ուկրաինայի նախագահ Պյոտր Պորոշենկոյի հրամանով Սաակաշվիլիի ուկրաինական քաղաքացիությունը չեղյալ է համարվել:
Բաժանորդագրվեք մեր ալիքին Telegram-ում
