Ըմբիշ Կարեն Զուրաբյանը բրոնզե մեդալ է նվաճել երիտասարդների Եվրոպայի առաջնությունում

ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Ազատ ոճի ըմբշամարտի Հայաստանի երիտասարդական հավաքականի անդամ Կարեն Զուրաբյանը դարձել է Եվրոպայի առաջնության բրոնզե մեդալակիր:

«Արմենպրես»-ի հաղորդմամբ` գերմանական Դորտմունդ քաղաքում ընթացող Եվրոպայի առաջնությունում 50 կգ քաշային Կարեն Զուրաբյանը պարտվել է առաջին գոտեմարտում ռուսաստանցի Մուհամմադհոն Մուխիդդին-Զադեին: Վերջինս հասել է մինչև եզրափակիչ, ինչը հնարավորություն է տվել Զուրաբյանին պայքարել բրոնզե մեդալի համար: Հայ ըմբիշը նախ հաղթել է Վլադիսլավ Կոյկային (10:0), այնուհետև թուրք Էնգին Չեթինին (11:4) և նվաճել բրոնզե մեդալ:

Հայաստանի ներկայացուցիչներ Վարդգես Կարապետյանը (60 կգ), Արման Ավագյանը (74 կգ) եւՍարգիս Հովսեփյանը (96 կգ) անհաջող են հանդես եկել: