1 րոպեի ընթերցում
ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Ընթացիկ տարվա առաջին եռամսյակում կառավարությունն ավելի քիչ ծախսեր է կատարել, քան նախատեսված էր: Հունիսի 16-ին լրագրողների հետ հանդիպմանն այս մասին ասաց ՀՀ ֆինանսների նախարար Վարդան Արամյանը:
«Մենք առաջին եռամսյակում 26 միլիարդ դրամով ավելի քիչ գումար ենք ծախսել, քան ծրագրավորել էինք: Ապրիլ և մայիս ամիսներին ծախսերը կատարվել են այնքան, որքան ծրագրել էինք»,- «Արմենպրես»-ի փոխանցմամբ´ ընդգծեց Վարդան Արամյանը:
Նախարարը նաև ներկայացրեց կառավարության գործող ծրագրի շրջանակներում իրականացրած աշխատանքները: Նա նշեց, որ բոլոր նախանշված աշխատանքները հիմնականում սահմանված ժամկետներում կատարվել են: