367.38
Հայաստանում տեղական ավիափոխադրողների համար ապահովված են հավասար պայմաններ
1 րոպեի ընթերցում
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Հայաստանը բացում և ազատականացնում է ավիացիոն շուկան տեղական ավիափոխադրողների համար` բոլորի համար ապահովելով հավասար պայմաններ և իրավունքներ: Մայիսի 3-ին լրագրողների հետ հանդիպմանն այս մասին ասաց ՀՀ կառավարությանն առընթեր քաղաքացիական ավիացիայի գլխավոր վարչության պետ Սերգեյ Ավետիսյանը` անդրադառնալով հարցին` Հայաստանը քննարկո՞ւմ է ազգային ավիափոխադրող ունենալու հարցը:
«Նախ կարևոր է ֆիքսել, թե մենք ինչ ենք հասկանում` ազգային ավիափոխադրող ասելով: Սովորաբար դա այն ավիաընկերությունն է, որին տրվում է որևէ արտոնություն շուկայում միջազգային չվերթներ իրականացնելու համար: Կան երկրներ, որոնք ազգային փոխադրողին մենաշնորհ են տալիս միջազգային չվերթների համար, կան երկրներ, որոնք ազգային ավիափոխադրողներին տալիս են որևէ պրեֆերենցիալ ռեժիմներ: Մենք հրաժարվել ենք այդ քաղաքականությունից` ասելով, որ բացում և ազատականացնում ենք շուկան` բոլորին տալով հավասար իրավունքներ»,- «Արմենպրես»-ի հաղորդմամբ` նշեց Սերգեյ Ավետիսյանը:
Նա մանրամասնեց, որ նման պայմաններում Հայաստանը, կախված շուկայի պահանջարկից, կարող է ունենալ մեկ, երկու կամ երեք ավիափոխադրող, իսկ այդ պարագայում «ազգային» բառն այդքան էլ սկզբունքային չէ:
Բաժանորդագրվեք մեր ալիքին Telegram-ում