Աշխարհի առաջին քրիստոնյա երկիրը. BBC-ի անդրադարձը Հայաստանին

2 րոպեի ընթերցում

ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: Բրիտանական հեղինակավոր BBC-ն նոր հոդված է հրապարակել աշխարհում առաջին քրիստոնյա երկրի` Հայաստանի մասին: Ինչպես հաղորդում է «Արմենպրես»-ը, լրատվամիջոցը գրում է, որ «այս եվրոպական երկիրը քրիստոնեությունը պաշտոնական կրոն է դարձրել 301 թվականին, և այդ պատմությունը դեռ կարելի է տեսնել այսօր»:

«3 միլիոն բնակչությամբ Հայաստանը Եվրոպայի ամենափոքր երկրներից է, սակայն այն նշանակալի տեղ ունի հոգևոր պատմության մեջ. շատ պատմաբաններ հավատում են, որ 301 թվականին այն առաջին երկիրն էր, որ ընդունեց քրիստոնեությունը: Այսօր հայերի 95 տոկոսը քրիստոնյա է, և երկրի բարեպաշտ պատմությանը կարելի է հետևել դրա հնագույն վայրերում ու կոթողներով»,- գրում է լրատվամիջոցը` պատմելով, թե ինչպես Գրիգոր Լուսավորիչը քարոզեց քրիստոնեությունը, որը երկար տարիներ անց` 301 թվականին Տրդատ Երրորդ թագավորը հռչակեց որպես պետական կրոն:

Պատմելով Գառնու հեթանոսական տաճարի մասին` BBC-ն նշում է, որ այն եզակի կոթողներից էր, որ քրիստոնեության տարածման շրջանում չոչնչացվեց: «Այսօր այն կանգնած է որպես հայկական նեոհեթանոսության խորհրդանիշ և ամեն տարի ունենում է ավելի քան 136 հազար այցելու` դարձնելով այն Հայաստանի ամենահանրաճանաչ զբոսաշրջային վայրերից մեկը»,- հայտնում է BBC-ն:

Լրատվամիջոցը պատմում է Հայաստանի «հոգևոր մայրաքաղաքի»` Վաղարշապատի մասին` ներկայացնելով այստեղ գտնվող Գայանե եկեղեցին, այնուհետև Խոր Վիրապի վանքի մասին, որտեղ երկար տարիներ բանտարկված է մնացել Գրիգոր Լուսավորիչը, Զորաց եկեղեցու, խաչքարերի, Քարահունջի մասին: Խոսելով Գեղարդի վանական համալիրի մասին` BBC-ն ընդգծում է, որ այն այսօր ՅՈՒՆԵՍԿՕ-ի համաշխարհային ժառանգության վայրերից է:

Հայերեն العربية English Русский

Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված վնասը

Ջենսեն Հուանգը մտադիր է վերադառնալ Nvidia-ի գլխավոր տնօրենի պաշտոնին. FT

Արքայազն Ուիլյամն ու արքայադուստր Քեյթը եռօրյա այցով Հնդկաստանում են

Մոսկվայում բացվել է ֆոտոցուցահանդես՝ նվիրված Առնո Բաբաջանյանի 105 և Միքայել Թարիվերդիևի 95-ամյակներին

ՌԴ-ն և Վրաստանը վերսկսում են ուղղակի երկխոսությունը հատուկ ներկայացուցիչների մակարդակով

Երևանում բացվում է Հայ-հունգարական գործարար խորհուրդ

ԱՍԵԱՆ-ի գագաթնաժողովի դեմ բողոքի ակցիաների ժամանակ 300 մարդ է ձերբակալվել

ՀՀ հակակոռուպցիոն կոմիտեի նախագահը հանդիպել է Չինաստանի արտակարգ և լիազոր դեսպան Լի Սինվեյի հետ

Վրաստանը հրաժարվել է մասնակցել ԵՄ ընդլայնման հարցերով գագաթնաժողովին

Ավստրալիան, Կանադան, Իտալիան և Բրիտանիան կոչ են արել Իսրայելին թույլ տալ մարդասիրական օգնության մուտքը Գազա