398.94
Ձգտելու ենք օգնել հակամարտությունների կարգավորման հարցում. Կուրց
1 րոպեի ընթերցում
ԵՐԵՎԱՆ, 4 ՓԵՏՐՎԱՐԻ, ԱՐՄԵՆՊՐԵՍ: Մերձդնեստրին հատուկ իրավական կարգավիճակ տալը հնարավորություն կտա կարգավորել հակամարտությունը: Ինչպես հաղորդում է «Արմենպրես»-ը` վկայակոչելով «Ռիա Նովոստի»-ն, նման հայտարարությամբ Քիշնևում հանդես է եկել ԵԱՀԿ գործող նախագահ, Ավստրիայի արտաքին գործերի նախարար Սեբաստիան Կուրցը:
«Ձգտելու ենք օգնել հակամարտությունների կարգավորման հարցում: ԵԱՀԿ հիմնական նպատակն է Մերձդնեստրի հակամարտության կարգավորումը` հաշվի առնելով Մոլդովայի ինքնիշխանության և տարածքային ամբողջականության սկզբունքը, որը պետք է համադրվի Մերձդնեստրի տարածաշրջանի հատուկ կարգավիճակի հետ»,- նշել է Կուրցը:
ԵԱՀԿ գործող նախագահը Քիշնև այցելությունից հետո մտադիր է լինել նաև Մերձդնեստրի մայրաքաղաք Տիրասպոլում:
Բաժանորդագրվեք մեր ալիքին Telegram-ում