Հաճելի է հաղթանակ տոնել մի համերգասրահում, որտեղ նվագել են մեծագույն երաժիշտները. Լևոն Արոնյան
1 րոպեի ընթերցում
ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: Շախմատային աշխարհի առաջատարներից մեկը՝ Լևոն Արոնյանը խոսել է Ռիչարդ Ռապորի դեմ տոնած հաղթանակի մասին:
«Անշուշտ, հրաշալի է խաղալ Հարլեմի ֆիլհարմոնիկ համերգասրահում: Հաճելի է հաղթանակ տոնել մի համերգասրահում, որտեղ նվագել են մեծագույն երաժիշտները: Հուսով եմ, որ ապագայում էլ նման հնարավորություն կունենամ, թեպետ արդեն փորձ ունեի և խաղացել եմ Երևանի Օպերայում: Հարկավոր է, որ սկզբնախաղում բավականաչափ զգոն լինես, իմ կարծիքով, Ռիչարդը մի քանի սխալ քայլ կատարեց»,-«Արմենպրես»-ի հաղորդմամբ` ասել է Արոնյանը:
Տատա Սթիլ մրցաշարի 10-րդ տուրից հետո Լևոն Արոնյանը 6 միավորով կիսում է 2-6-րդ տեղերը: Հաջորդ տուրում Արոնյանի մրցակիցը կլինի Ռադոսլավ Վոյտաշեկը: