1 րոպեի ընթերցում
ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: Ամերիկացի հեռուստաաստղ Քիմ Քարդաշյանը ցուցադրել Է կոշիկի նոր մոդելներից մեկը, որը տեղ Է գտնելու Yeezy-ի՝ նրա ամուսնու՝ ռեփեր Քանյե Ուեսթի կողմից հիմնված մակնիշի նոր հավաքածուում: Այդ մասին, ինչպես տեղեկացնում Է «Արմենպրես»-ը, հայտնել Է Harper՚s Bazaar-ը:
Խոսքը քուղակապով ավազագույն բոտիլյոնների եւ Calabasas մակագրությամբ մարզահագուստի մասին Է: Վերջինների վրա պատկերված են երեք գծեր, ինչը հիշեցնում Է adidas-ի ավանդական սիմվոլիկան:
Քարդաշյանը ոչ մի մեկնաբանություն չի արել: Սպասվում Է, որ նոր հավաքածուն կներկայացվի այս ձմռանը Նյու Յորքում կազմակերպվող Նորաձեւության շաբաթին:
Դիզայների կարիերան Ուեսթն սկսել Է 2015 թվականին adidas Originals-ի հետ համագործակցությամբ: Նա արդեն թողարկել Է հագուստի եւ կոշիկի մի քանի հավաքածու: Վերջինը ներկայացվել Է 2016 թվականի սեպտեմբերի սկզբին Նյու Յորքում կազմակերպված Նորաձեւության շաբաթի շրջանակներում: