1 րոպեի ընթերցում
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Առաջիկա խորհրդարանական ընտրություններում Հայաստանի Հանրապետական կուսակցության համամասնական ցուցակը կգլխավորի կուսակցության առաջնորդ Սերժ Սարգսյանը: «Արմենպրես»-ի հաղորդմամբ՝ Ազգային ժողովում խորհրդարանական ճեպազրույցների շրջանակներում լրագրողների հետ հանդիպմանն այս մասին ասաց ԱԺ ՀՀԿ խմբակցության ղեկավար Վահրամ Բաղդասարյանը:
«Սերժ Սարգսյանը Հայաստանի Հանրապետական կուսակցության առաջնորդն է: Որևէ հիմք չկա, որ կուսակցության առաջնորդը չգլխավորի համամասնական ցուցակը»,- ասաց ԱԺ ՀՀԿ խմբակցության ղեկավարը:
Դեկտեմբերի 9-ին հայտնի դարձավ, որ ՀԱԿ համամասնական ցուցակը կգլխավորի Լևոն Տեր-Պետրոսյանը: