Լիբանանի, Սիրիայի և Իրաքի քաղաքացիները հնարավորություն կունենան մինչ 2017-ի վերջ ՀՀ անձնագիր ստանալ արտերկրում
1 րոպեի ընթերցում
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ:Լիբանանի, Սիրիայի և Իրաքի քաղաքացիները հնարավորություն կունենան մինչև 2017թ. դեկտեմբերի 31-ը ՀՀ քաղաքացու անձնագիր ստանալ ՀՀ դիվանագիտական ներկայացուցչություններում և հյուպատոսական հիմնարկներում:Այդ կարգը գործում էր մինչ ընթացիկ տարվա դեկտեմբերի 31-ը և ժամկետը երկարաձգվեց:
«Ելնելով իրավիճակից՝ անհրաժեշտ է որոշման գործողության ժամկետը երկարաձգել մեկ տարով, որպեսզի Սիրիայի, Լիբանանի և Իրաքի քաղաքացիները մինչև 2017 թվականի դեկտեմբերի 31-ը հնարավորություն ունենան առաջին անգամ Հայաստանի Հանրապետության քաղաքացու անձնագիր ստանալ օտարերկրյա պետություններում ՀՀ դիվանագիտական ներկայացուցչություններում կամ հյուպատոսական հիմնարկներում»,- «Արմենպրես»-ի փոխանցմամբ, ասաց ՀՀ սփյուռքի նախարար Հրանուշ Հակոբյանը: