2 րոպեի ընթերցում
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Կայունացման եւ զարգացման եվրասիական հիմնադրամի խորհուրդը, որի միջոցները տնօրինում է Եվրասիական զարգացման բանկը, հաստատել է Հայաստանի Հանրապետությանը 100 մլն դոլարի երկրորդ վարկային տրանշի տրամադրումը: Այդ մասին տեղեկացնում է «Արմենպրես»-ը` վկայակոչելով Եվրասիական զարգացման բանկի հրապարակած մամուլի հաղորդագրությունը:
ԿԶԵՀ-ի կողմից միջոցների տրամադրման նպատակն էներգետիկ ոլորտում ֆինանսական առողջացումը և հանրային ֆինանսական կառավարման ու ներդրումային միջավայրի բարելավումը:
Նախատեսվում է, որ 100 մլն դոլարի փոխանցումը կկատարվի 2017 թվականին:
Հայաստանը ստացել էր 40 մլն դոլարի վարկ` «Ոռոգման համակարգերի արդիականացման» ծրագրի իրականացման համար, ինչպես նաև 150 մլն դոլար` «Հյուսիս-Հարավ» ճանապարհային միջանցքի շինարարության չորրորդ փուլի համար։
2015 թվականի նոյեմբերի 4-ին համաձայնագիր ստորագրվեց Հայաստանին 300 մլն դոլար վարկ տրամադրելու վերաբերյալ, համաձայն որի Հայաստանը բյուջեի աջակցման համար ամենամյա տրանշով 2015-2017 թվականներին կստանա 100 մլն դոլար։
ԵԶԲ-ն ստեղծվել է 2006 թվականին, Ռուսաստանի և Ղազախստանի կողմից։ Այս պահին բանկի մասնակից-պետություններից բացի հիմնադիրներ են նաև Հայաստանը, Բելառուսը, Ղրղըզստանը և Տաջիկստանը։ ԿԶԵՀ 8.513 մլրդ դոլարով հիմնադրվել էր 2009 թվականին, նույն վեց երկրների կառավարությունների կողմից։