1 րոպեի ընթերցում
ԵՐԵՎԱՆ, 11 ՆՈՅԵՄԲԵՐԻ, ԱՐՄԵՆՊՐԵՍ: Ամերիկացի թոփ-մոդել եւ Քիմ Քարդաշյանի քույրը՝ Քենդալ Ջենները, դարձել Է La Perla իտալական բրենդի դեմքը, հաղորդում Է «Արմենպրես»-ը՝ հղում անելով Harper's Bazaar-ին: Նա մասնակցել Է բրենդի գովազդային արշավին եւ ներքնազգեստով լուսանկարվել ֆոտոշարքի համար:
Նկարահանումների հեղինակը լուսանկարիչ Սթիվեն Քլյայնն Է:
Քենդալ Ջենները Քիմ Քարդաշյանի քույրն Է եւ «Քարդաշյանների ընտանիքը» հեռուստաշոուի մասնակիցներից մեկը: Տարբեր ժամանակներում նա համագործակցել Է այնպիսի բրենդների հետ, ինչպիսիք են՝ Chanel-ը, Fendi-ն, Givenchy-ն եւ ուրիշներ: 2015 թվականի հոկտեմբերին GQ հանդեսը նրան ներառել Է աշխարհի ամենասեքսուալ կանանց ցուցակում:
La Perla-ն իտալական ֆիրմա Է, որը մասնագիտանում Է կանանց ու տղամարդկանց ներքնազգեստի, ինչպես նաեւ լողազգեստի, աքսեսուարների եւ պարֆյումերիայի արտադրության բնագավառում: Բրենդը 1954 թվականին գրանցվել Է Բոլոնիայում: