1 րոպեի ընթերցում
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: Իրանագետ Վարդան Ոսկանյանի կանխատեսմամբ, Իրանի նախագահի այցը Հայաստան ամենայն հավանականությամբ կկայանա մինչև ընթացիկ տարվա վերջ:
«Դատելով իրանական լրատվական դաշտի ակտիվությունից, դատելով կողմնակի ազդակներից՝ այդ այցը կկայանա մինչև Ամանոր: Դիտարկելով նման բարձր մակարադակով այցի նախապատրաստական աշխատանքները՝ այն, հավանաբար, կլինի դեկտեմբերի երկրորդ կեսին»,- այս մասին «Արմենպրես»-ի մամուլի սրահում հրավիրված ասուլիսում նշեց իրանագետը:
Նրա խոսքով՝ Իրանի նախագահի այցը պետք է գնահատել որպես ամփոփիչ: Վերջին շրջանում Հայաստան-Իրան համագործակցության շրջանակում զգալի քայլեր են իրականացվել, որոնք տվել են իրենց արդյունքները: Ժամանակն է, որ այդ արդյունքներն ամփոփվեն` նախանշվեն նոր ծրագրեր: Վարդան Ոսկանյանը հիշեցրեց, որ Հասան Ռոուհանին Հայաստանում դեռ չի եղել, սա կլինի նրա առաջին այցը: