1 րոպեի ընթերցում
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանը վաճառում է «Ռոսնեֆտ» նավթագազային ընկերության պետական բաժնեմասի 19,5 տոկոսը: Այս մասին տեղեկացնում է «Արմենպրես»-ը` վկայակոչելով РИА Новости-ն:
Ռուսաստանը դեռեւս 2014 թվականին էր հայտարարել, որ կարող է օտարել «Ռոսնեֆտ» նավթագազային հսկայի պետական բաժնեմասի 19,5 տոկոսը՝ մինուս մեկ բաժնետոմս:
Օտարման նպատակը բյուջետային լրացուցիչ միջոցներ ներգրավելն է: Օտարվող բաժնեմասի արժեքը «Ռոսնեֆտ»-ի բաժնետոմսերի գնի այդ ժամանակահատվածում գործող մակարդակի հաշվարկով կազմում էր մոտ 46 միլիարդ դոլար: Ակնկալվում էր, որ բաժնեմասի օտարման դեպքում պետական բյուջեն կհամալրվի 423 միլիարդ ռուբլով: