Եվրախորհրդարանը դադարեցրել է աշխատանքը Թուրքիայի հետ առանց վիզայի ռեժիմ սահմանելու շուրջ

ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ: Եվրախորհրդարանի պատգամավորները դադարեցրել են աշխատանքը Թուրքիայի քաղաքացիներին ԵՄ Շենգենյան տարածք առանց մուտքի արտոնագրի թողնելու ծրագրերի շուրջ: Ինչպես հաղորդում է «Արմենպրես»-ը, այս մասին գրում է euobserver.com-ը:

Հոլանդացի եվրապատգամավոր Յուդիթ Սարգենտինին նշել է, որ Եվրախորհրդարանի նախագահ Մարտին Շուլցը դադարեցրել է գործընթացը, քանի որ Թուրքիան չի կատարել ԵՄ` առանց վիզայի ռեժիմի համար առաջադրված նախապայմանները: «Շուլցն ասել է, որ մենք գործընթացը կսկսենք միայն այն ժամանակ, երբ 72 նախապայմաններն էլ կատարվեն»,- ասել է Սարգենտինին: