1 րոպեի ընթերցում
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Պաշտոնական այցով Հունաստանում գտնվող ՀՀ նախագահ Սերժ Սարգսյանը հանդիպում է ունեցել Հունաստանի վարչապետ Ալեքսիս Ցիպրասի հետ: Ինչպես հաղորդում է «Արմենպրես»-ը, թվիթերյան իր միկրոբլոգում այս մասին գրառում է կատարել Հունաստանի վարչապետը:«Երկարամյա կապեր ունենք Հայաստանի հետ: Այսօր հյուրընկալել եմ Հայաստանի նախագահ Սերժ Սարգսյանին` մեր հարաբերություններն առավել սերտացնելու նպատակով»,- գրել է Ցիպրասը:
Հունաստան կատարած պաշտոնական այցի շրջանակներում ՀՀ նախագահը արդեն հանդիպում և առանձնազրույց է ունեցել Հունաստանի նախագահ Պրոկոպիս Պավլոպուլոսի հետ: Հունաստան կատարած այցից հետո Սերժ Սարգսյանը կուղևորվի Կիպրոս: