1 րոպեի ընթերցում
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Թուրքիայի զինված ուժերի գլխավոր շտաբը հայտարարություն է տարածել իր գործողությունների հետևանքով քրդական կողմի նոր կորուստների վերաբերյալ: Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:
Հայտարարության մեջ ասվում է, որ հյուսիսային Իրաքում Քրդական բանվորական կուսակցության (PKK) դիրքերի ռմբակոծման հետևանքով սպանվել է 45 քուրդ զինյալ: Մարտի 14-ին տեղի ունեցած գործողություններին մասնակցել են 9 հատ F-16 և 2 հատ F-4 տեսակի ռազմական ինքնաթիռներ: Ռմբակոծվել են Քանիդլում և Գարայում գտնվող քրդական ճամբարները: