Արթուր Ալեքսանյանը հաղթել է թուրք ըմբիշին և դուրս եկել Եվրոպայի առաջնության եզրափակիչ

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Ռիգայում ըմբշամարտի Եվրոպայի առաջնության հունահռոմեական ոճի հունահռոմեական ոճի 98 քաշային կարգի կիսաեզրափակչում Արթուր Ալեքսանյանը 6:2 հաշվով հաղթել է թուրք ըմբիշ Ցենկ Իլդեմին: Աշխարհի գործող չեմպիոնը ոսկե մեդալի համար կմրցի Օրխան Ուրիեև (Ադրբեջան) - Նիկիտա Մելնիկով (Ռուսաստան) զույգի հաղթողի հետ:

Հունահռոմեական ոճի 59 կգ քաշային կարգում Ռոման Ամոյանը 4:0 հաշվով հաղթել է ուկրաինացի Դմիտրի Ցումբալյուկին և դուրս եկել եզրափակիչ:Ինչպես հաղորդում է «Արմենպրես»-ը, Ռոման Ամոյանը ոսկե մեդալի համար կպայքարի ռուս ըմբիշ Մագիան Սեմենովի հետ: