1 րոպեի ընթերցում
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Քուրդ զինյալները, որոնք երբևէ կապ են ունեցել Քրդստանի բանվորական կուսակցության հետ, ստանձնել են Թուրքիայի մայրաքաղաքում երկու օր առաջ տեղի ունեցած ահաբեկչության պատասխանատվությունը, որին զոհ է գնացել 28 հոգի:
Ինչպես հաղորդում է «Արմենպրես»-ը՝ վկայակոչելով Reuters-ը, իրենց կապն ահաբեկչության հետ բացահայտած քրդերը հայտարարել են, որ դա քրդերի հանդեպ Թուրքիայի նախագահ Էրդողանի վարած քաղաքականության պատասխանն էր: Զինյալներն ընդգծել են, որ պատրաստակամ են շարունակելու իրենց գրոհները:
Ավելի վաղ Թուրքիայի վարչապետ Ահմեդ Դավութողլուն հայտարարել էր, որ Անկարայի ահաբեկչության հեղինակը 1992 թ. ծնված Սալեհ Նեսարն է, հաղորդել է «Գազետա.ռու»-ն: