1 րոպեի ընթերցում
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Հունաստանում գյուղացիների կողմից շարունակվող բողոքի ակցիաների պատճառով պաշտոնական Անկարան որոշում է կայացրել անժամկետ փակել Հունաստանի հետ ցամաքային սահմանը: Ինչպես հաղորդում է «Արմենպրես»-ը, այս մասին տեղեկացնում է թուրքական «Միլլիեթ» պարբերականը:
Փետրվարի 1-ից Թուրքիայի ժամանակով 11:00-ից փակվելու են Հունաստան տանող թուրքական երկու` Իփսալա և Փազարքուլե սահմանային անցակետերը:
Հունաստանի կառավարության կողմից արվող հատկացումները ոչ բավարար համարելով` տեղի գյուղացիները բողոքի ակցիաներ են սկսել երկրում: Նրանք, մասնավորապես, տրակտորներով փակում են ավտոճանապարհները` այդպիսով հայտնելով իրենց բողոքի ձայնը: