1 րոպեի ընթերցում
ԵՐԵՎԱՆ, 24 ԴԵԿՏԵՄԲԵՐԻ, ԱՐՄԵՆՊՐԵՍ: Բրիտանական The Guardian պարբերականը հրապարակել է 2015թ. Լավագույն ֆուտբոլիստների հարյուրյակը: Ինչպես հաղորդում է «Արմենպրես»-ը, լավագույն 100 ֆուտբոլիստների ցանկում տեղ է գտել նաև Հայաստանի ազգային հավաքականի և Դորտմունդի «Բորուսիա»-ի կիսապաշտպան Հենրիխ Մխիթարյանը: Հայ ֆուտբոլիստը ցանկում զբաղեցրել է 77-րդ տեղը:
Ցուցակը գլխավորում է կատալոնական «Բարսելոնա»-ի արգենտինացի հարձակվող Լիոնել Մեսսին, նրան հաջորդում է Մադրիդի «Ռեալ»-ի պորտուգալացի հարձակվող Քրիշտիանու Ռոնալդուն, իսկ երրորդ տեղը` «Բարսելոնա»-ի բրազիլացի հարձակվող Նեյմարը:
Քվեարկության մասնակցել է 123 փորձագետ` աշխարհի 49 երկրից: