1 րոպեի ընթերցում
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լևոն Արոնյանը «London Chess Classic»-ում զբաղեցրեց 4-րդ հորիզոնականը: Ինչպես հաղորդում է «Արմենպրես»-ը, այս մասին տեղեկացնում է ՀԱՕԿ լրատվության բաժինը:
Մրցաշարի վերջին տուրում Արոնյանի մրցակիցը Մաքսիմ Լագրավն էր: Գրոսմայստերները պարտիայի 34-րդ քայլին համաձայնեցին ոչ-ոքի արդյունքին: 9 հնարավորից հավաքելով 5 միավոր՝ Արոնյանը զբաղեցրեց 4-րդ հորիզոնականը:
Մրցաշարի հաղթող դարձավ աշխարհի գործող չեմպիոն նորվեգացի Մագնուս Կարլսենը: