Սիրիայի ահաբեկչական խմբավորումները շնորհավորական նամակ են հղել Էրդողանին

ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Սիրիայում գործող 12 ահաբեկչական խմբավորումներ Թուրքիայում նոյեմբերի 1-ին անցկացված արտահերթ խորհրդարանական ընտրություններում իշխող «Արդարություն եւ զարգացում» կուսակցության տարած հաղթանակի կապակցությամբ շնորհավորական նամակ են հղել նախագահ Ռեջեփ Թայիփ Էրդողանին:

Ինչպես հաղորդում է «Արմենպրես»-ը, այս մասին հայտնում են թուրքական ԶԼՄ-ները` հղում կատարելով «Ալ Գուդսուլ Արաբի» թերթին:

Շնորհավորական նամակ ուղարկած ճանաչված ահաբեկչական խմբավորումների մեջ են նաեւ իրենց հատուկ դաժանությամբ անմեղ մարդկանց սպանություններով հայտնի «Ջեյսուլ Իսլամ» եւ «Ահրար էշ Շամ» կազմակերպությունները:

Էրդողանին առանձին շնորհավորել է նաեւ «Ազատ Սիրիայի բանակ» խմբավորումը:

Լուսանկարը` AFP