Թուրքական ոստիկանության կրակոցից վիրավորված թրքուհին մահացել է

ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի ձախակողմյան «Հեղափոխական ազգային ազատագրական կուսակցություն-ճակատ» (DHKP-C) կազմակերպության դեմ իրականացված գործողության շրջանակում թուրքական ոստիկանության կողմից արձակած կրակոցից վիրավորված Դիլեք Դողանը մահացել է:

Ինչպես հաղորդում է «Արմենպրես»-ը, այս մասին տեղեկացնում է թուրքական Demokrathaber.net-ը:

Միջադեպը տեղի էր ունեցել հոկտեմբերի 18-ին: Մեջքի հատվածում վնասվածք ստացած Դողանը գտնվել է բժիշկների վերահսկողության տակ, սակայն հոկտեմբերի 25-ին կյանքին հրաժեշտ է տվել: