ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Վերջին ժամանակներս գրախանութների հաճախորդների թվաքանակն զգալիորեն կրճատվել Է, իսկ գրքերի գներն ավելացել են 10-15 տոկոսով. այս երկու գործոնների համադրությունը հանգեցնում Է մինչեւ վերջերս հաջողակ շատ գրախանութների փակման: Ինչպես նշել Է «Պառնաս» խանութի մենեջեր Գեորգի Լեկվինաձեն, գրքի պահանջարկի նվազման պատճառներից մեկն Էլ այն Է, որ շատ ընթերցողներ նախապատվությունը տալիս են Էլեկտրոնային գրքերին, տեղեկացնում Է «Արմենպրես»-ը՝ հղում անելով «Գրուզիա Online»-ին:
«Էլեկտրոնային գրքերն ամբողջ աշխարհում մրցակցում են ավանդական գրքերի հետ, եւ այդ գործընթացը հասել Է Վրաստան: Առավել եւս ներկա իրավիճակում, երբ ազգային արժույթի արժեզրկման պատճառով գրախանութներն ստիպված են եղել բարձրացնել արտադրանքի գները: Օրինակ, մեզ մոտ գներն ավելացել են 10-15 տոկոսով»,-հայտարարել Է նա:
Արդյունքում՝ ընկերությունը հարկադրաբար փակել Է Թբիլիսիում գտնվողերկու խանութներից մեկը, ինչպես նաեւ հրաժարվել ցանցն ընդլայնելու մտադրությունից:
Նվազել Է նաեւ «Վակայի գրքերը» ընկերության վաճառքների ծավալը:
«Երկրում ամեն ինչ դեպի վատն Է գնում: Ներկա իրադրության պատճառով նվազել Է բնակչության գնողունակությունը: Սպառողները նախընտրում են փողը ծախսել առաջին անհրաժեշտության ապրանքների վրա, իսկ գրքերն արդեն շռայլության առարկա են դարձել: Այդ պատճառով մեզ մոտ եւս կտրուկ պակասել Է գնորդների թվաքանակը: Գրականության զգալի մասը մենք բերում են արտասահմանից, գրքերը գնում ենք դոլարով: Համապատասխանաբար, լարիի փոխարժեքի արժեզրկումը մեր ուսերին դրված ծանր բեռ Է»,-հայտարարել Է ընկերության սեփականատեր Մարիամ Կիկաչեյշվիլին: